დიდი ხნის განმავლობაში ხე იყო მთავარი მასალა როთათაც კარ ფანჯარას აკეთებდნენ. მაგრამ დღეს, ხის ფანჯრებს ანაცვლებს მეტალოპლასტმასი, რომელსაც აქვს ბევრი კარგი მახასიათებელი. მეტალოპლასტმასის კარ ფანჯარა დიდი ხანია გაყიდვებით უკვე ყველა მასალას უსწრეფს. ალბათ დაფირებულხართ რა მასალით გააკეთოთ კარ-ფანჯარა და რომელი მოხდება თქვენ საცხოვრებელ ბინა, სახლს თუ სხვა ფართს. ალბათ გიჩნდებათ სურვილი მაქსიმალური ინფორმაციის მიიღოთ.
მეტალოპლასტმასის კარ-ფანჯარის მასალის აღწერა
პლასტიკის შიგნით არის რკინის კარკასი. რკინის კარკასი აძლევს კონსტრუქციას სიძლიერეს. ეს უფრო აუცილებელია გაღებული კარ- ფანჯარისთვის, იმისთვის რომ სიმყარე მიცეს დახურვა გაღების დროს რომ არ დაზიანდეს კონსტრუქცია და დეფორმაცია არ მიიღოს.
დეტალური ინფორმაცი
მეტალო-პლასტმასის კარ - ფანჯრები: როგორ შევარჩიოთ სწორად ფანჯარა
ჯერ კიდევ რამდენიმე ათეული წლის წინ მეტალო-პლასტმასის ფანჯრები ფუფუნების საგანი იყო. თუ სახლში ასეთი ფანჯარა ჰქონდა ვინმეს დამონტაჟებული ეს უზრუნველყოფილობის ნიშანი იყო. ხოლო აივნების და ლოჯების მეტალო-პლასტმასის ფანჯრებით მოპირკეთებაზე, ხომ საერთოდ ლაპარაკიც ზედმეტია. დღევანდელ დღეს კი, მეტალო-პლასტმასის ფანჯრებმა პრაქტიკულად ჩაანაცვლა სხვა დანარჩენი ვარიანტები და ახალ აშენებულ ბინებში ზუსტად ასეთი ფანჯრებით მოპირკეთებულ აივნებს და სადარბაზოებს შეხვდებით. პოპულარობასთან ერთად ასევე გაიზარდა მათი მწარმოებლები და ნაირსახეობები და იმისათვის, რომ გაერკვეთ თუ როგორი ფანჯარა დაამონტაჟოთ თქვენს ბინაში, ან სახლში სულაც არ არის მარტივი. ამ სტატიაში ჩვენ განვიხილავთ მეტალო-პლასტმასის ფანჯრების არჩევის კრიტერიუმებს.
პოლივინილქლორიდისგან (პვქ-სგან) დამზადებული პირველი ფანჯრები დაამზადეს გასული საუკუნის 40-იან წლებში - გერმანიაში, თუმცა მათი პოპულარობა იმთავითვე არ დაწყებულა: პვქ ყვითლდებოდა; ხშირ შემთხვევებში მას არასწორად ამონტაჟებდნენ, რის გამოც ხშირი იყო დაზიანებები; ხელოსნები იღებდნენ არასწორ ზომებს და ფანჯრები ზუსტად არ ჯდებოდა ღიობებში. მეტალო-პლასტმასის კარ-ფანჯრები მეორედ, უკვე ტრიუმფალურად 20 წლის შემდეგ დაბრუნდა ბაზარზე. მათ გავრცელებაში დიდი როლი ითამაშა სარეკლამო კამპანიამ - სადაც, ბევრ სახლში ძველ ხის ფანჯრებს ცვლიდნენ ახალი მეტალო-პლასტმასის ფანჯრებით, თანაც უფასოდ! საქართველოში ასეთი ფანჯრები 90-იანი წლების ბოლოს გამოჩნდა და მალევე მოიპოვა პოპულარობა, თუმცა ხელმისაწვდომი არ იყო ყველასთვის. დღეს თუ დავაკვირდებით სახლებს, 90 პროცენტზე მეტი მშენებარე ბინების მოპირკეთებულია მეტალო-პლასტმასის მინა-პაკეტით. ეს ყველაფერი კი გამომდინარეობს პროდუქტის ხარისხის და ფასის მრავალფეროვნებიდან - ნებისმიერ მსურველს შეუძლია შეარჩიოს თავისთვის ვარიანტი ფასის და თვისებების მიხედვით - დაწყებული ბიუჯეტურიდან, დამთავრებული პრემიუმ სეგმენტით.
მეტალო-პლასტმასის ფანჯრების უპირატესობები
პვქ-სგან დამზადებული კარ-ფანჯარა არ გახდებოდა ასეთი პოპულარული, რომ არა ხის ფანჯრებთან შედარებით, მისი რიგი უპირატესობებისა.
ხანგრძილი ექსპლუატაციის ვადა - მეტალო-პლასტმასი კარგად იტანს წვიმას, სიცხეს, სიცივეს და სწორი მოვლის შემთხვევაში მეპატრონეს მეტალო-პლასტმასის ფანჯრა ნახევარ საუკუნესაც კი გაუძლებს.
მეტალოპლასტმასის კარ - ფანჯრების ჰერმეტულობა
სითბოს მთავარი გაპარვა ოთახიდან ხდება ფანჯრების მეშვეობით. თანამედროვე მეტალო-პლასტმასის მინა-პაკეტები უზრუნველყოფენ შესანიშნავ თბოიზოლაციას, რაც თავისმხრივ კომუნალურ გადასახადის ეკონომიასაც უწყობს ხელს. დამატებითი ბონუსის სახით კი უნდა აღინიშნოს, განსაკუთრებული ხმის იზოლაცია - მაშინაც კი როდესაც ფანჯარა უყურებს ხალხმრავალ გამზირს, ბინაში მაინც სიწყნარე და სიმშვიდე იქნება და არანაირი ხმაური არ შეგაწუხებთ.
მდგრადობა - ასეთი ფანჯრები კარგად უძლებენ დარტყმებს და საშუალო ძალის წნევას, ხოლო იმისათვის რომ ორმაგი ან სამმაგი მინა-პაკეტი გაამტვრიოთ, ძალიან უნდა შეეცადოთ. ასევე, ბერმა არ იცის, მაგრამ პვქ-სგან დამზადებული ფანჯრები ხანძარსაწინააღმდეგო თვისებებსაც ატარებს.
მეტალო-პლასტმასის კარ ფანჯრები მარტივი მოსავლელია - ადრე დედები საათობით იდგნენ და გაზეთებით წმენდნენ ფანჯრის მინებს ყველა მხრიდან, აი ჩვენ კი ამ სიამოვნებას მოკლებულები ვართ. საკმარისია მხოლოდ ერთი-ორჯერ გადავუსვათ მინა-პაკეტს ნაჭერი და ის უკვე სუფთაა!
მეტალო-პლასტმასის კარ ფანჯრის ფასი
ამ ტიპის ფანჯრები ყოველთვის უფრო იაფი ეღირება, ვიდრე ხარისხიანი ხის მინა-პაკეტები ექსპლუატაციის მსგავსი თვისებებით.
ერგონომიულობა - ფანჯრები მარტივი მოძრაობით იღება, ხოლო ოთახის გასანიავებლად სულაც არ არის საჭირო ფანჯრის რაფიდან ნივთების აღება. მრავალფეროვანი ფანჯრის ტიპები, სახეობები და ვარიანტები და მათი სინთეზი შესაძლებლობას იძლევა აარჩიოთ თქვენთვის იდეალური მეტალო-პლასტმასის ფანჯარა, რომელიც მორგეული იქნება კონკრეტულ საცხოვრებელ ფართზე და რომელიც დამკვეთის ნებისმიერ მოთხოვნას დააკმაყოფილებს.
დიზაინები - თეთრი ფერი ყველაზე ტრივიალურია, თუმცა მეტალო-პლასტმასის ფანჯარა შეიძლება იყოს ნებისმიერი ფერის, მათ შორის ხისებრი ეფექტითაც კი. სპეციალური ლენტების დახმარებით თვითონ მინასაც შეგიძლიათ მისცეთ სხვადასხვა ფერის ელფერები. ჩარჩოს ფორმა ასევე შეიძლება იყოს ნებისმიერი - კვადრატული, წრიული, მრავალკუთხა, თაღოვანი. ამიტომაც, მათი დახმარებით არქიტექტორის ნებისმიერი ჩანაფიქრის ასრულებაა შესაძლებელი.
უარყოფითი მხარეები
სამყაროში არაფერია იდეალური. უამრავი ღირსებების მიუხედავად მეტალო-პლასტმასის ფანჯრებიც კი არაა გამონაკლისი და გააჩნია რამდენიმე უარყოფით მხარე.
ჰერმეტულობა - ზუსტად ის ჰერმეტულობა, რომელიც ხდის ფანჯარას ხმისგან იზოლირებულს და თბოიზოლირებულს, გააჩნია თავისი „ბნელი მხარეც“. იმის გამო, რომ მეტალო-პლასტმასი ვერ „სუნთქავს“, ოთახში შესაძლოა დაცხეს. თუმცა, ამ პრობლემას აგვარებენ სპლიტ-სისტემების მეშვეობით, რომლებიც უზრუნველყოფენ ვენტილაციის უწყვეტ მუშაობას, თან ისე, რომ ამავდროულად ხელი არ შეეშალოს ხმის იზოლაციას და თან შეინარჩუნოს სითბო.
შეკეთების სირთულე - მეტალო-პლასტმასის ჩარჩო დაზიანებისას თითქმის არ ექვემდებარება შეკეთებას. ასეთ დროს შესაძლებელია რომ შეიცვალოს კონკრეტული ელემენტი, ან უნდა შეიცვალოს მთლიანი ჩარჩო. თუმცა, საბედნიეროდ მეტალო-პლასტმასების ფანჯრები იშვიათად ზიანდება.
ელექტრო-სტატიკურობა - პვქ-სგან დამზადებული ფანჯრები ადვილად იზიდავს მტვერს, თუმცა მოვლის სიმარტივისგან გამომდინარე მარტივი გასუფთავებით თქვენი ფანჯრები შეინარჩუნებს პირვანდელ მომხიბვლელობას.
მეტალო-პლასტმასის ფანჯრებს უარყოფით თვისებები არც ისე ბევრი აქვს, ხოლო წარმოდგენილი უპირატესობები გაცილებით მნიშვნელოვანი და არსებითია. ფასის და ხარისხის შეთავსებით პვქ-სგან დამზადებული ფანჯრები უკონკურენტოა ბაზარზე და ზუსტად ეს არის რაც განაპირობებს მათ ფართო გავრცელებას.
მეტალოპლასტმასის კარ-ფანჯრების აქსესუარები
მეტალო-პლასტმასის ფანჯრების კლასიფიკაცია შეიძლება სხვადასხვანაირად: გაღების ტიპის მიხედვით, გამღებების და მინა-პაკეტების რაოდენობით და ფანჯრის ფორმით. მოდით განვიხილოთ მეტალო-პლასტმასის კარ-ფანჯრების კლასიფიკაციის ყოველი ტიპი.
კლასიფიკაცია გაღების მიხედვით:
ყრუ ფანჯრები - ასეთი ტიპის ფანჯრები ყველაზე იაფი ღირს და მოსახმარადაც ყველაზე მოუხერხებელია. ყრუ მეტალო-პლასტმასის ფანჯრები არ იღება, ხოლო გარედან გასაწმენდათ დიდი ძალისხმევა დაგჭირდებათ. ამიტომაც ძირითადად ასეთ ფანჯრებს პირველ სართულზე ამონტაჟებენ.
გამოსაღები მეტალო-პლასტმასის ფანჯრები - მსგავსი ფანჯრები ჩვენი ბავშვობის დროინდელ ფანჯრებს მოგვაგონებს. მათი მინუსია, რომ არ შეიძლება ოთახის მიკრო-განიავება, არამედ იმისათვის რომ ოთახი გაანიავოთ საჭიროა ფანჯრის სრულად გამოღება, რის გამოც ხშირად მოგიწევთ ფანჯრის რაფიდან ნივთების აღება.
გამოსაღებ-გადასაწევი ფანჯრები - ყველაზე პოპულარულ ვარიანტს წარმაოდგენს. ისინი მარტივია გასაწმენდად, მარტივია გამოსაყენებლად, ადვილია ოთახის გასანიავებლად. მინუსი კი მხოლოდ ერთი აქვს - ფასი, ასეთი ტიპის ფანჯრები სხვებთან შედარებით ძვირი ღირს.
გასაწევი მეტალო-პლასტმასის ფანჯრები
ისინი ჩვეულებრივ გამოიყენება ლოჯებში, აივნებზე და შემოსასვლელებში. ხშირად მათ მცირე ფართობის მქონე ბინებშიც აყენებენ, რადგანაც მათი გაღებისთვის დამატებითი სივრცე არ არის საჭირო.
კარ ფანჯრების კლასიფიკაცია გაღების რაოდენობის მიხედვით
მეტალო-პლასტმასის ფანჯრების კლასიფიკაცია გაღების რაოდენობის მიხედვით ყველაზე მარტივი კლასიფიკაციის სახეა სტანდარტული მინა-პაკეტებისთვის. გაღება შეიძლება იყოს 1, 2 ან 3. ცალკე განიხილება შემოსასვლელები, აივნები და შუშით მოპირკეთებული ლოჯები. მაგალითისთვის კოტეჯებში გაღებების რაოდენობა მხოლოდ დამპროექტებლის ფანტაზიაზეა დამოკიდებული.
ერთგაღებიანი ფანჯარა - ძირითადად არ არის დიდი და ის მონტაჟდება სათავსო სივრცეებში, აბაზანებში და პატარა ოთახებში.
ორგაღებიანი ფანჯარა - ასეთი ტიპის ფანჯრებს ძირითადად ამონტაჟებენ სამზარეულოებსა და საძინებლებში. უმეტეს შემთხვევებში ფანჯრის მხოლოდ ერთი ნახევარი იღება, ხოლო მეორე ნახევარი რჩება ყრუდ. იმ შემთხვევაში თუ ფანჯრის ორივე ნახევარი იღება - მაშინ ასეთი ფანჯრის ფასი საგრძნობლად ძვირდება.
სახლში ყველაზე დიდი და ფართო ოთახი არის მისაღები ოთახი და იმისათვის, რომ უზრუნველყოფილი იყოს საკმარისი სინათლე, ასეთ შემთხვევებში აყენებენ სამგაღებიან ფანჯრებს. ძირითადად ცენტრალური სექცია არის ყრუ, გაღების შესაძლებლობა აქვს მხოლოდ კიდეებზე განთავსებულ გაღებებს. ასევე იმ ფანჯრების გაწმენდა უფრო მარტივია, რომელთაც სამივე მხარე ეღებათ, თუმცა ჯდება ძვირიც.
ფანჯრების კლასიფიკაცია მინა-პაკეტის მიხედვით
მეტალო-პლასტმასის ფანჯრები შეიძლება შედგებოდეს ორი, სამი ან ოთხი მინისგან, რომლებიც ერთმანეთისგან ერთი და იგივე მანძილითაა დაშორებული. სივრცე, რომელიც წარმოიშობა ამ მინებს შორის ჰქვია კამერა, და იმის მიხედვით თუ რამდენია ისინი, მეტალო-პლასტმასის ფანჯრება იყოფა შემდეგნაირად:
ერთ კამერიანი მეტალო-პლასტმასის ფანჯარა - ასეთ ფანჯრებს, როგორც დანარჩენებს გააჩნიათ ხმისიზოლაცია და თბოიზოლაცია, თუმცაღა დანარჩენებთან შედარებით გაცილებით იაფი ღირს. ერთკამერიან ფანჯრებს საცხოვრებელ ფართში ამონტაჟებენ ეკონომიის მიზნით, რომელთაც დიდად არ სჭირდებათ გათბობა. მაგ: ლოჯებში, სათავსოებში, საწარმოო ფართებში და ა.შ.
ორ კამერიანი მეტალო-პლასტმასის ფანჯარა - ყველაზე გავრცელებულ მინა-პაკეტის ტიპს წარმოადგენს. ხმაურის დონე, ერთ კამერიანთან შედარებით რამდენჯერმე ნაკლებია, ამასთან ერთად ფანჯარა ინარჩუნებს შუქგამტარიანობას.
სამ კამერიანი მეტალო-პლასტმასის ფანჯარა - ყველაზე მძიმე და ძვირი სახეობაა. კამერების რაოდენობის ზრდასთან ერთად, შიგნიდან კამერების მანძილი მცირდება, რის გამოც ხმის იზოლაცია და თბოიზოლაცია უკეთესია.
ფანჯრების კლასიფიკაცია ფორმების მიხედვით
რა თქმა უნდა, მეტალო-პლასტმასის ფანჯრები შესაძლოა იყოს ნებისმიერი ფორმის, თუმცა რამდენიმე ყველაზე გავრცელებული ვარიანტები მაინც გვხვდება:
მართკუთხა ფანჯარა - წარმოადგენს სტანდარტულ ვარიანტს, რომელიც სახლების უმრავლესობაში სხვადასხვა ვარიაციებით გამოიყენება.
სამკუთხა ფანჯარა - ასეთი ფანჯრების წარმოება შედარებით ძვირი ჯდება და მათ ძირითადად იყენებენ სხვენებსა და კერძო სახლებში.
ტრაპეციული ფანჯარა - ეს ვარიანტი განკუთვნილია მანსარდებისათვის, ან არქიტექტურული ფორმების სახესხვაობისთვის. ტექნიკური თვალსაზრითი ტრაპეციული ფანჯრები არ განსხვავდება მართკუთხასგან.
წრიული ფანჯრები - მათი ნახვა ყველაზე ხშირად შესაძლებელია არაორდინალურ არქიტექტურულ პროექტებში, თუმცა ფასის მიხედვით მისი წარმოება და მონტაჟი მართკუთხა ფანჯარაზე ბევრად ძვირი არ ჯდება.~
თაღოვანი ფანჯარა - ხშირად გამოიყენება კოტეჯებში. თაღოვანი ფანჯარა სტანდარტული ფანჯრისგან იმით განსხვავდება, რომ მას გაღების ფუნქცია არ აქვს.
მეტალო-პლასტმასის კარ ფანჯრის შერჩევა ბინისთვის და სახლისთვის
განვიხილოთ მნიშვნელოვანი ფაქტორები, რასაც აუცილებლად უნდა მივაქციოთ ყურაღება მეტალო-პლასტმასის ფანჯრის შერჩევისას, იქნება ეს ბინა თუ სახლი:
პირველ რიგში, მეტალო-პლასტმასის ფანჯრის შერჩევა დამოკიდებულია იამზე, თუ როგორი ფართისთვის გვჭირდება ის. ამასთან ერტად, უნდა გავითვალისწინოთ ტემპერატურული ფონი რეგიონში - ჩრდილოეთისკენ უკეთესი იქნება სამკამერიანი მეტალო-პლასტმასის ფანჯრის მონტაჟი, ხოლო სუბ-ტროპიკულ მხარეში ერთ კამერიანიც საკმარისი იქნება.
მეტალო-პლასტმასის ფანჯრის ფორმას განსაზღვრას მის დასამონტაჟებლად განკუთვნილი ღიობი: სამკუთხა ფანჯრის დაყენება მართკუთხა ღიობში ცხადია აზრს მოკლებული და რთულად შესასრულებელი გადაწყვეტილებაა. მაგრამ კერძო სახლში შესაძლოა სხვადასხვა ფორმების მქონდე ფანჯრების დაყენება.
ყურადღება მიაქციეთ ხმის იზოლაციას: წყნარი და მშვიდი ეზოსთვის შეიძლება ეს გადაწყვეტილება უარესი იყო, ვიდრე ხალხმრავალი ადგილისთვის. აუცილებელია ფანჯრის შერჩევისას რაციონალურად მიუდგეთ საკითხს და განსაზღვროთ სხვადასხვა ოთახებისთვის სხვადასხვა ფანჯრის მახასიათებლები. მაგალითისთვის: ყველაზე მეტად სიწყნარე საძინებელშიასაჭირო, ხოლო სამზარეულოში ეს არც ისე მნიშვნელოვანია, მითუმეტეს რომ სამზარეულო - ყველაზე ცხელი ადგილია სახლში.
იმ შემთხვევაში თუ ოთახში არის აივანი, მაშინ შეგიძლიათ თავად გადაწყვიტოთ რა არის თქვენთვის მნიშვნელოვანი - აივნის დათბუნება, თუ ხარისხიანი მინით მოპირკეთება.
მოვლის თვალსაზრისით აუცილებელია რომ იზრუნოთ მინების გაწმენდაზე: იმ შემთხვევაში თუ მეტალო-პლასტსმასის ფანჯარა მონტაჟდება მაღალ სართულიან საცხოვრებელ ბინაში, მაშინ გონივრული გადაწყვეტილება იქნება ისეთი ფანჯრების დაყენება, რომელთაც მრავალმხრივი გაღების შესაძლებლობა აქვთ.
და რაღა თქმა უნდა დიზაინი: სულაც არ არის აუცილებელი საბაზისო თეთრი ფერის ფანჯრის შერჩევა, თუმცა გასათვალისწინებელია, რომ მუქი ფერის ფანჯრის ჩარჩოები საცხოვრებელ ფართოს უფრო ბნელს ხდის.
და ბოლოს: კარ ფანჯრის შერჩევა - საპასუხისმგებლო საქმეა.
შეიძლება მოგეჩვენოთ, რომ ეს არც ისე მნიშვნელოვანია საცხოვრებელი ფართისთვის, თუმცა მასზე ბევრი რამ არის დამოკიდებული. არასწორად შერჩეულმა ფანჯარამ შეიძლება გააფუჭოს ყველაზე კარგი დიზაინი, ხოლო არასწორად შერჩეულმა მახასიათებლებმა - გამოიწვიოს თქვენში დისკომფორტი, ან გააძვიროს იქ ცხოვრება, სადაც ფანჯრის სწორად შერჩევის შემთხვევაში ეკონომიას გააკეთებდით. თუ პასუხისგებით მოეკიდებით ფანჯრის არჩევის ამბავს და გაითვალისწინებთ ყველა ნიუანს, მაშინ მეტალო-პლასტმასის კარ-ფანჯარა თქვენ მრავალი წლის მანძილზე გაგახარებთ.
ყოველდღიური მოვლა მეტალოპლასტმასის ფანჯრებს არ ესაჭიროება. ერთად ერთი რაც ესაჭიროება მეტალოპლასტმასის ფანჯრებს არის რეგულირება ნახევარ წელიწადში ერთხელ.
საშუალოდ ერთი ფანჯრის დამონტაჯებისთვის საჭიროა 2-3 საათი. მთლიანი დროის სამუშაოზე მოქმედებს უამრავი ფაქტორი, მაგალითად არასწორი კედლები ან რამდენად მალე მოხდება დემონტაჯი ძველი კონსტრუქციის.
სანამ გადაწყვეტთ ფანჯრების შეცვლას რეკომენდირებულია მოამზადოთ ოთახი წინასწარ, გადააფაროთ ავეჯს, გამოიტანოთ ოთახიდან ტექნიკა, ყვავილები და ა.შ. რადგან ფანჯრების მონტაჯის დროს არის ბევრი მტვერი და სამშენებლო მასალის ნაგავი.
